Noc Noc Estudio, a moda chama á porta

Se atopas unha peza que leva bordada a fío a etiqueta «Made in Vigo», probablemente fose ideada por Patricia Fadrique, a persoa responsable de NOC NOC estudio. Esta empresa de produtos téxtiles fabrica en dous pequenos talleres situados en Vigo e Madrid. Desde aquí eláboranse pezas de estilo minimalista e atemporal, confeccionadas en algodón orgánico, pensadas para que duren eternamente e poidan combinarse con todo o que teñamos no armario.

            NOC NOC aposta por producir en pequenas cantidades elixindo as tiradas limitadas e traballa en colaboración con artistas, ilustradores e artesáns para loitar contra a velocidade e o pouco respecto polo medio ambiente que provoca a fast fashion. A marca quere que empecemos o verán de forma ética e sostible, e que confíemos na súa filosofía de proximidade lucindo os seus vestidos longos, panos xeométricos, pezas de crochet feitas á man e as súas camisetas estampadas. Sentes a chamada?

@nocnocestudio | nocnocestudio.com

The following two tabs change content below.

• Bio
• Últimos posts

Estela Gómez

Estela naceu no 1992 preto do mar. É filóloga, escritora e correctora literaria, amiga do analóxico, a cultura e a moda vintage. No 2021 foi unha das dez escritoras seleccionadas da Residencia Literaria da Cidade da Cultura dirixida por Javier Peña. No 2025 publicou a súa primeira novela. Poderás atopar a Estela na biblioteca, no cine, no museo, no teatro, nun concerto ou no centro da cidade lendo un libro ao sol.

Últimos posts de Estela Gómez (ver todos)

• Tikismikis: cerámica con esmero - 13 Marzo, 2025
• Norat crochet, na cabeza coas mans - 21 Febreiro, 2025
• Volve escribir a man con Panda Bohème - 18 Decembro, 2024
• Nove ideas de regalo local - 5 Decembro, 2024
• Triqueta Editora, pequenos grandes lectores - 7 Novembro, 2024