bannerTheWildFest

O galego Álex Blanco dá vida a Michael Jackson no aclamado show Forever

Todos os amantes do Rei do Pop tedes unha cita ineludible os próximos 27 e 28 de outubro, xa que chega a Vigo Forever, o espectáculo homenaxe a Michael Jackson referencia en todo o mundo. Avalado pola familia do cantante, promete representar a obra de Michael Jackson da forma máis espectacular e respectuosa posible.

O galego Álex Blanco caracterizado como Michael Jackson | Forever, King of Pop

Forever: The Best Show About the King of Pop chega o próximo mes a Vigo con tres sesións (dous o sábado 27 e unha o domingo 28) que van a moi bo ritmo de ventas. O espectáculo, en activo desde 2011, está a ser un éxito tanto a nivel nacional como internacional. Máis de 30.000 persoas acudiron ás diferentes sesión en Barcelona, e aínda máis en Madrid. Tras esta xira nacional teñen pensado continuar o show en países como Portugal, Alemaña, Francia ou Australia. Os prezos rondarán entre os 28 e os 40€. 

Banner A Movidiña

Desde a organización, 100% española, insisten na calidade deste espectáculo, que non é unha simple homenaxe. Non consiste na recreación dun concerto de Michael Jackson, senón que un total de 25 artistas (bailarines e músicos) tratarán de representar a música, baile e filosofía do Rei do Pop. Unha festa ao redor da súa figura cunha produción moi coidada, centrada especialmente nos últimos anos do artista, nos que a maxia, os efectos especiais e o baile da rúa estaban moi presentes. Unha forma atractiva de achegar a Michael ás novas xeracións que non viviron a súa música.

O encargado de dar vida a Michael Jackson na súa faceta de bailarín será o galego Álex Blanco, que nos conta que a súa paixón polo King of Pop vén desde moi pequeno: “sempre me gustou moito a súa música, pero foi a raíz da súa morte cando comecei a investigar máis sobre a súa vida e obra”. Confesa que ver Forever en A Coruña fai nove anos cambioulle a vida: “contactei con eles para ver se necesitaban a un Michael, pero eu aínda era moi novo. Na segunda edición que fixeron non dubidei en presentarme aos castings”. Para el foi un orgullo absoluto poder actuar diante de Jermaine e La Toya Jackson e obter unhas críticas tan positivas por parte dos familiares do seu ídolo. “Foron moitísimas horas de traballo. Cando comecei a practicar tiña sobre 15 anos, e prefería quedar na casa ensaiando que saír cos meus amigos. Aparteime de moitas amizades por aprender a bailar, pero eu teño a filosofía de que o traballo duro ten os seus froitos”.

Este non será o único espectáculo tributo a Michael este outono, xa que o 9 de outubro chega ao Mar de Vigo Michael Legend. E parece que cousa vai de tributos este outono, porque o 27 de outubro, contraprogramando a Forever, estará no IFEVI Dios salve a la Reina, que recreeará o mítico concerto de Queen en Wembley de 1986. Máis alá do apartado ético deste tipo de prácticas, o que queda claro é a gran demanda que hai desta clase de shows, xa que non é casualidade que tres dos espazos máis grandes para espectáculos en vivo da cidade acollan estas propostas.

Missing Event Data

Missing Event Data

Missing Event Data

The following two tabs change content below.

Pablo Vázquez

Graduado en Comunicación Audiovisual pola Universidade de Vigo, é un apaixoado do cine, da música e da fotografía. É director dos documentais 'O profesor', 'The Death: el reencuentro' e 'Cuna de músicos', ademais de coautor do libro 'Son da cidade', o que lle fixo coñecer aínda máis a escena musical viguesa. Ten traballado con distintos grupos e salas da cidade, ademais de participar nos últimos anos como Xurado Novo nos festivais de cine de San Sebastián e Novos Cinemas.
X