A ópera ‘Madama Butterfly’ protagoniza o ciclo Otoño Lírico
Amigos de la Ópera de Vigo presenta a programación Otoño lírico, protagonizada pola música dos italianos Puccini e Verdi e a posta en escena de Madama Butterfly. En total son 11 citas, entre recitais, proxeccións e charlas. A maioría das actividades son de balde.
A Asociación de Amigos da Ópera de Vigo presentou o seu Otoño Lírico, onde se representará a ópera de Puccini, Madama Buttefly, o próximo 27 de outubro, con Vanessa Goicoetxea, Alejandro del Cerro, Cristina del Barrio y Manel Esteve nos principais roles, coa dirección musical de Diego García Rodríguez e Eugenia Corbacho na dirección escénica.
Puccini tamén será protagonista, no ano do centenario do seu falecemento, no recital Puccini. Terra e Mare o 5 de outubro. César Gutiérrez e Beatriz Riobó interpretarán, por primeira vez en España, todas as composicións vocais, camerísticas, deste compositor. Previamente, o 14 de setembro e no recital Viva Verdi, Luis Cansino, Alejandro Roy e Iwona Sobotka, interpretarán arias e escenas de óperas de Verdi como Ernani, Simón Boccanegra, Otello ou Aida.
O recital de Novas Voces coa soprano Iria Goti, así como os habituais ciclos de proxeccións e conferencias, completan os 11 eventos que conforman a oferta lírica deste outono en Vigo.
Programa Otoño Lírico 2024
14 de setembro ás 20:00 – Recital: VIVA VERDI – Teatro Afundación – Entradas en Ataquilla desde 11,60 €.
17 de setembro ás 19:30 – Ópera en el cine: ARIADNE AUF NAXOS (Strauss) – Auditorio Municipal do Concello de Vigo – Entrada libre.
25 de setembro ás 19:30 – Ópera en el cine: WERTHER (Massenet) – Auditorio Municipal do Concello de Vigo – Entrada libre.
3 de outubro ás 19:30 – Conferencia: Hablemos de “Terra e Mare. Las canciones de Puccini” – Café Vitruvia – Entrada libre.
5 de outubro ás 20:00 – Recital PUCCINI: TERRA E MARE – Auditorio Afundación – Entradas en Ataquilla desde 26,40 €
8 de outubro ás 19:30 – Ópera en el cine: DER ZWERG (Zemlinsky) – Auditorio Municipal do Concello de Vigo – Entrada libre.
12 de outubro ás 20:00 – Recital: NOVAS VOCES DA LÍRICA GALEGA – Auditorio Martín Códax. Conservatorio Superior de Música – Entrada libre.
15 de outubro ás 19:30 – Cine: MEMORIAS DE UNA GEISHA – Auditorio Municipal do Concello de Vigo – Entrada libre.
26 de outubro ás19:30 – Mesa redonda: Hablemos de Madama Butterfly. ¿Pasaporte al sueño americano? – Sala de Conferencias del Centro Social Afundación – Entrada libre.
27 de outubro ás 19:00 – Ópera: MADAMA BUTTERFLY – Teatro Afundación – Entradas en Ataquilla desde 22,00 €