Helte Design: vodas sen estrés
Helena decidiu crear Helte Design para dedicarse ao que máis lle gustaba e mellor sabía facer: organizar eventos. Esta idea rondáballe pola cabeza desde os seus anos de estudante de Publicidade e Relacións Públicas; de feito, o seu traballo de fin de grao versaba sobre esta iniciativa. En 2019 decidiu recuperar esta idea e non tardou en unírselle a súa irmá, Mar. «Xuntas traballamos moi ben porque temos moita confianza e podemos falar con total transparencia», afirma Helena.
![](https://amovida.gal/wp-content/uploads/2023/07/Helte-Design-equipo-Mar.jpg)
![](https://amovida.gal/wp-content/uploads/2023/07/Helte-Design-equipo-Helena.jpg)
O principal labor da empresa é a organización de vodas, para as que ofrecen diferentes servizos: un asesoramento en liña, distribuído en catro sesións, para que as parellas que prefiran arranxar o tema pola súa conta poidan resolver certas dúbidas sobre a organización integral do evento, desde a idea inicial ata a lúa de mel: contacto con provedores, calendario, decoración, orzamento, visitas… O servizo de decoración e deseño outórgalle á celebración un acabado estético inmellorable. Helena asegura que se busca que os noivos desfruten, «tanto do proceso como do día da voda, que deleguen o máximo posible e non se preocupen dos imprevistos e contratempos que poidan xurdir».
As redes sociais poden ser un bo método para atopar inspiración de cara á organización dun casamento, pero moitas veces pode acabar por xerar unha saturación de propostas para un único día. «Gústanos traballar con calma e tranquilidade, para que os noivos non se volvan tolos entre tantas ideas e opcións». Trátase dunha xornada de diversión, non de que os convidados non teñan nin tempo para facer todo o planeado, por iso é importante contar cun bo asesoramento nunha época tan sobreestimulada. No blog da súa páxina web tamén podemos atopar algúns consellos e datos de interese sobre decoración, moda ou viaxes.
![](https://amovida.gal/wp-content/uploads/2023/07/Sara-Pablo-Hotel-Monumento-San-Francisco-973.jpg)
A maiores das vodas, Helte Design organiza outro tipo de eventos privados, como actos de empresa, festas de aniversario, inauguracións, presentacións… Outra vertente da compañía é Manolita Estudio, centrada na comunicación e no deseño gráfico para empresas e particulares. Sempre con calma e tranquilidade.
heltedesign.com | info@heltedesign.com | 634429074 | @heltedesign_
Pablo Vázquez
Redactor
Pablo Vázquez
Últimos posts de Pablo Vázquez (ver todos)
- A viguesa Vanesa Álvarez inicia en Coia un mural de 2400 metros cadrados coa axuda de 170 voluntarios - 23 Xullo, 2024
- Dez libros para coñecer Galicia - 22 Xullo, 2024
- Oito espazos museísticos participan este venres 26 na Noite Branca - 19 Xullo, 2024
- Ed Sheeran bástase el só para coroar o Monte do Gozo - 7 Xullo, 2024
- O Vigo SeaFest volve encher o Náutico de música, gastronomía e actividades mariñas - 2 Xullo, 2024