Flash Market! Outlet Vigo aterra en Vigo para ofrecer miles de produtos de primeiras marcas con descontos de ata o 80%. Durante só 3 días os visitantes gozarán de prezos de infarto nos sectores de moda, urban, deporte, óptica, calzado, infantil, cosmética, complementos…

Ademais, é un evento para toda a familia, con zona gastronómica, sorteos e bo ambiente, situado nunha localización accesible e fácil, con aparcamento gratuíto.

Tras varias edicións en Madrid, Barcelona ou Bilbao, a feira de descontos Flash Market! Vigo chega por primeira vez ao Instituto Feiral de Vigo – IFEVI, os días 13, 14 e 15 de decembro con descontos en primeiras marcas do 50%, 60%, 70% e ata o 80%. Sectores de moda, calzado, urban, deporte, infantil, cosmética… estarán presentes durante 3 días con máis de 300.000 artigos para gozar de prezos incribles para este Nadal.

Ir de compras é moito máis fácil con Flash Market! Vigo, xa que reunimos todos os comercios nun mesmo espazo e con descontos ata o 80% só durante só 3 días. Os visitantes poderán renovar o seu armario para todo o ano nun plis plas. Ademais, propoñemos un plan de fin de semana perfecta para pasar en familia, cunha zona gastronómica para gozar de deliciosos produtos da zona.

Flash Market! Outlet Vigo propón aos asistentes unha experiencia de compras diferente, na que renovar roupa para a tempada, levarche cosmética rebaixada, adquirir botas e abrigos con descontos salvaxes, comprar primeiras marcas de óptica, gozar dun paraíso de zapatillas, de roupa de deporte con descontos ou material de snow ou skate e atopar un amplo abanico de produtos con descontos ata o 80% será o obxectivo principal durante os tres días.

• Data: 13, 14 e 15 de diciembre de 2019
• Horario: 10:00h – 22:00h.
• Evento para todos os públicos. Entrada 2 euros (menores de 12 anos gratis).

Chega a XII edición do mercado trimestral Bazares nos Bares en Churruca. O sábado 14 de decembro 8 locais do barrio albergarán no seu interior un mercado de arte, artesanía, roupa, decoración, música, cómics e produtos ecolóxicos. Un encontro entre artesáns, comerciantes, particulares e artistas co público de Vigo.

Un mercado persa no corazón de Vigo.

Nesta edición do festival participan os seguintes locais:

Reserva Rock, Tinta Negra, Cantina Candela, Brewing Records, Vitter Bar de Cocktails, O Batallón Baiuca, La Casa de Arriba Vigo e Bizarre Vigo.

Co fin de dinamizar a participación dos asistentes realizaranse diversas actividades e obradoiros:

• Manualidades Jenika. Pintura sobre cunchas e pedras en Cantina Candela.
• Arumisia. Taller de creación de xabóns ecolóxicos para nenos de todas as idades no Bizarre (3 euros).
• Eva Casais pintará ante o público durante a xornada no Vitter Bar de Cocktails.
• Xogos de xiz no exterior da Casa de Arriba e en diversos puntos do mercadillo.
• Sesión de Dj Tartaruga (e venda de vinilos) en Tina Negra.

SORTEO DUNHA CESTA CON REGALOS
Para participar, as tarxetas do sorteo estarán a disposición de todo o mundo nos 8 locais de Bazares nos bares.

Cando se cumpren 25 anos do Manifesto de Viana, que deu orixe á denominación do Rock Bravú, as xentes da Asociación Rebumbio de Mos vóltanse a xuntar para organizar un Festival (baixo teito) que é o estourazo de foguete para o seu rexurdimento e comezar unha nova andaina aproveitando a infraestructura do Territorio Cultural As Pedriñas e a Sala Rebullón.

A celebración desta efeméride tamén chegará a Mos coa celebración deste Rebumbio especial e que contará coa presenza das seguintes bandas.

CAIMÁN DO RÍO TEA
A veterana banda do bravú galego forma parte da memoria musical galega grazas a cancións como “Estou na lavadora”. Como se non pasaran case 25 anos dende a publicación do seu primer elepé, O Caimán do Río Tea anda presentando “Rock en el rancho”.

RASTREROS
Dende Chantada e festexando o 30 aniversario, chegarán a Mos para descargar o seu Rock Bravú con denominación de orixe.
Trallazos como Tractorada e o Sacristán de Basán farán tolear a todo o Rebullón.

OS PODRIDOS
A banda de Beade, con 26 anos de historia e concertos épicos e históricos serán os encargados de pechar os concertos dunha noite que será A regho cheo.

Para rematar, unha sesión Mp3 de Pelu Selektor con todas as cancións que marcaron a toda unha xeración e que 25 anos despois segue a reivindicar a música en galego.

6€ ANT. (CANTINA AS PEDRIÑAS) | 8€ BILLETEIRA

O Qué Onda! é un festival benéfico nado no ano 2018 grazas á colaboración de máis de 50 artistas (músicos, ilustradoras, escritores, fotógrafas…) que uniron os seus talentos para axudar á protectora de animais Proyecto Gato.

O festival naceu como un evento único inspirado por Jorge, “Gato” (artista e músico vigués falecido durante o verán de 2018), co obxectivo de fornecer ó público dun espazo onde a música, a arte e en definitiva a cultura puidesen ser as protagonistas, e onde o intercambio cultural axudase a recadar fondos para unha boa causa.

A acollida da primeira edición foi alucinante e inesperada (cunha recadación de máis de 1000 € para Proyecto Gato). O festival demostrou (só con ver o ambiente da sala) que o público vigués clama por ter eventos culturais e solidarios ós que poder asistir para compartir arte, bailar, debater, e coñecer xente cos mesmos intereses ca eles. E non hai escusa posible para quedar na casa, porque o festival é un evento para todos os públicos, polo que as crianzas poderán participar tamén da vida cultural.

Así que este ano volve o Qué Onda! ó centro da cidade, coas pilas cargadas e unha morea de cousas novas que ofrecerlle ó público. Xa sexas amante dos animais, da música, da pintura, da fotografía, da arte en xeral ou se só queres pasalo ben nun sitio no que te sintas cómodo, o Qué Onda! Fest é o teu festival.

Entrada anticipada 5,50 euros | En taquilla 7 euros