Os días 22, 23 e 24 de novembro terá lugar en Vigo a 2ª edición do festival Super Bock Under Fest. Tralo éxito do ano pasado no que se esgotaron todos os abonos dispoñibles, volve un festival distinto, de calidade e que de novo abarcará variadas propostas musicais. A primeira edición deste festival celebrouse o pasado marzo de 2018, con Benjamin Clementine como cabeza de cartel, onde se esgotaron todos os abonos dispoñibles conseguindo así un éxito sen precedentes en festivais deste formato realizados ata o momento o Galicia. Desde a organización comentan que os abonos desta edición van camiño de esgotarse. Algúns dos recintos onde terán lugar os concertos serán a Biblioteca da EMAO, Casa de Arriba, La Fábrica de Chocolate, La Iguana Club, Mondo Club, Mogambo Club, Museo MARCO, Sala Kominsky, Reserva Rock e o Teatro Salesianos. Podes ver que artistas tocan en cada local na seguinte ligazón.

VENRES 22: Villagers // Gruff Rhys // Helado Negro // Ana Curra // Enric Montefusco // IVY // Whales // Side Chick // The Lelli Kelly’s // Family Folks

SÁBADO 23: Peaches // Eli ‘’Paperboy’’ Reed // The Soft Moon // Vancouver Sleep Clinic // Jordan Mackampa // Pional // Everyone you know // Noiserv // The New Death Cult // Ortiga // The Zephyr Bones // Juan Wauters // Bed Legs // Aaron Rux // Indy Tumbita & The Voodo Bandits

DOMINGO 24: Holygram // Derby Motoreta’s Burrito Kachimba // Eliza Neals & The Narcotics  

Desde xa podes mercar as túas entradas para a décimo segunda edición de Culturgal (Pazo da Cultura de Pontevedra, 29 novembro-1 decembro) en www.ataquilla.com. En 2019, por segundo ano consecutivo, posibilita viaxar con autobús e entrada o sábado 30 desde Ourense, Lugo, Santiago de Compostela, Ferrol e A Coruña.Tres días para unha cita na que coñecer todo o que virá en libro, cine, teatro ou música e, por que non, para adiantar as compras dos presentes navideños. Máis de 80 stands e máis de 120 actividades durante 3 días congregan anualmente a milleiros de persoas ás que convida en 2019 a darlle unha volta á Feira.

A Feira conta con varias áreas e escenarios nos que se desenvolve a programación: a Carpa para os directos de música, o Espazo Libro no que conversas, debates, sinaturas e presentacións danlle protagonismo á produción literaria, o Escenario Familiar dedicado ao público máis novo cunha ducia de espectáculos durante os tres días, o espazo Cinema ou o Foro, un espazo heteroxéneo que o venres se centra en programación dirixida a profesionais da cultura. Adermais, o Espazo de Arte Contemporánea, que ocupará a Sala de Exposicións do Pazo da Cultura de Pontevedra, suma perto de mil metros cadrados máis á superficie habitual da Feira, aos máis de catro mil oitocentos metros cadrados do recinto feiral pontevedrés.

TIPOS DE ENTRADAS CULTURGAL E PREZOS*
Entradas en ataquilla.com
Entrada persoa adulta 3€
Entrada. Infantil 2€ (até 14 incluídos, de 0 a 3 de balde)
Bono 3 días adulta 5€
Bono 3 días infantil 3€
Entrada en billeteira física e venda telefónica 902 504 500 (de 8 a 22
horas) de luns a sábados non festivos
Pack familiar 2 adultos+3 infantil. 10 euros.
Pack familiar 2 adultos+4 infantil. 11 euros
Entrada Grupos. Mínimo 10 persoas. 2€ persoa