Xornadas de Cine Mudo e Música: Caspervek

Caspervek, banda viguesa dedicada á musicalización en directo de cinema mudo celebrará o próximo mes de xullo as Primeiras Xornadas de Cinema Mudo e Música de Vigo no xardín botánico da Fundación Sales.

O cinema mudo de verán de Caspervek foi un habitual na programación do xardín situado na Avenida de Europa e nesta ocasión, o público poderá gozar de tres días de proxeccións, música e actividades paralelas. Antes de cada película expertos en cine e música comentarán as claves máis importantes dos filmes.

O 6 de xullo ás 22:00 as xornadas arrincarán cun clásico do cinema soviético: “O Acoirazado Potemkin” de Sergei Eisenstein, considerada unha das mellores películas da Historia do Cinema e que contén a icónica escena das Escaleiras de Odessa.

O día 7 ás 22:30 será a quenda para a velada máis experimental, titulada “Noite de Curtas”, que nos traerá unha selección de curtametraxes das orixes do cinema nos que se citarán o surrealista Man Ray, o ilustrador alemán Walter Ruttman, o aragonés Segundo de Chomón ou o pai do cinema fantástico, Georges Méliès. Todo iso celebrado nun formato de microconciertos e microespacios ao longo da Fundación Saes.

O último día do festival (8 de xullo ás 21:00) acollerá un especial Buster Keaton coa proxección de dúas das súas películas máis coñecidas: “O moderno Sherlock Holmes” e “O heroe do Río”; toda unha homenaxe a un dos grandes xenios da comedia do século XX.

Ademais dos cinema-concertos, o programa complétase con exposicións, roteiros interactivos, conferencias e charlas previas antes de cada proxección, na que diversos expertos contextualizan as películas. Incluso os asistentes poderán participar nunha escape room de temática cinematográfica polos xardíns da Fundación.

Entradas