Xornada de portas abertas CSIC

Dende o Instituto de Investigacións Mariñas do IIM-CSIC, na vila de Bouzas (Vigo), comprácenos informarvos da Xornada de Portas Abertas que estamos a organizar dentro das actividades da Semana da Ciencia e Tecnoloxía do CSIC.

Agradeceríamosmos de antemán a vosa colaboración na difusión deste evento polas vosas redes de contactos. Adxuntamos materiais para uso en redes sociais, servizos de mensaxería e cartaces.

• Data: 21 de novembro, xoves
• Lugar: Sede do IIM-CSIC, rúa Eduardo Cabello, 6, Vigo
• Hora: 10.00 a 19:00 en quendas de 90 minutos.

O evento contará con 5 quendas para participar en visitas guiadas polo interior do noso Instituto, con demostracións dos experimentos e traballos que o persoal investigador e técnico do centro leva a cabo día a día, descubrindo os misterios do océano e aportando solucións á sociedade dende o noso barrio.

O evento étotalmente gratuíto con rexistro previo. O rexistro pode ser presencial/telefónico (de L-V, de 8 a 20h) na entrada do noso Instituto, ou a través do noso evento de EventBrite.

Nas quendas das 10h e das 16h contaremos coa posibilidade de ter unha visita interpretada en Lingua de Signos Española.

Dado o espazo de traballo no que imos movernos pregamos a máxima puntualidade para asegurar o correcto fluír e a seguridade das visitas. A visita pasa por algúns pasos estreitos que, por desgrazas, fan moi complicado o paso de cadeiras de rodas. Pregamos traer calzado cómodo que non sexa delicado nin de tea, xa que haberá que desinfectar as solas no acceso a algúns espazos. Non se permitirá a toma de imaxes por parte das persoas visitantes, con todo, a organización reservase o dereito de tomar imaxes nas condicións que se describen no proceso de inscrición

Tedes máis información nas redes do IIM-CSIC e na nosa web: https://www.iim.csic.es/en/news-events/events/xornada-de-portas-abertas-sct24

Para calquera dúbida, podedes contactar con:  Jaime Amaro Blanco, responsable de comunicación da UCC+I do IIM | Tlf: 608861676 ou no correo comunicaciones@iim.csic.es