XI Marcha Solidaria 700 Camisetas Contra La Leucemia

Non é novidade que nos tempos que corren, é NECESARIO renovarse para adaptarse ás circunstancias. Cambian de formato e no canto de utilizar un día para berrar todos xuntos, vense obrigados a cambiar de estratexia. Propoñen facer a marcha o día (ou días) que queirades entre o 19 de Setembro e o 20 de Outubro, pero neste caso, pola vosa conta, co voso corazón posto na causa e nas persoas que esperan pacientes polos vosos pasos.
Para inscribiros deberedes entrar na páxina www.inscribirme.com e cumprimentar os datos. A inscrición terá un custo de 5€ en concepto de donativo para a Asociación FRANGIL e para todos os proxectos que ao longo do ano van creando.

PARA AS PERSOAS QUE XA SE INSCRIBIRON NA MARCHA DO DÍA 20 DE SETEMBRO ATA O DÍA DE HOXE, NON DEBERÁN ABONAR NADA PARA A EDICIÓN DESTE ANO E A EDICIÓN DO PRÓXIMO ANO SERÁ GRATUÍTA.

Para iso deberedes recoller no CENTRO SAN de Vigo ( C/ México 11) ou ben descargarvos a través da nosa web, unha cartolina que deberedes selar en distintos puntos do percorrido (Saída, 3 puntos intermedios e chegada).
Nos días sucesivos á marcha ( autogestión), poderedes regresar a SAN coa vosa tarxeta selada (tamén podedes enviar por foto á organización as persoas que non sexades de Vigo) e faranvos entrega dun agasallo setecientero para que sigades vestíndovos de Vida.