Nesta sesión de contos contaremos coa participación das asociacións Avante LGBT+ e Codimo para a realización dun contacontos musicalizado enmarcado na programación do Orgullo LGBT+ de Vigo.

O conto en cuestión é Xe, e para a súa lectura contaremos con Lara Boubeta, a autora do libro, acompañada de Gonzalo Lemos, fagotista que -ademais do seu instrumento principal- fará uso dunha pedaleira para converter a lectura nunha experiencia única.

A actividade está pensada para que o público infantil poida desfrutar da experiencia ao mesmo tempo que aprenden a respectar e valorar a diversidade afectiva, sexual e de xénero.