Visita guiada á Fundación Laxeiro

Dentro do proxecto A Noite Branca o centro principal de exposicións programadas da cidade conta con coleccións temporais e permanentes acompañadas de performances e visitas guiadas nas diferentes plantas do edificio. Na planta baixa o público pode visitar a exposición Unha xeografía atormentada do artista plástico Javier Teniente e a colección permanente Luis Torras na segunda planta. Por último, situada na terceira e última planta, a Casa das Artes ofrece as exposicións Fundación Laxeiro e a nova Recordoleterlorintorel.

Os visitantes poderán gozar dunha visita guiada á Fundación Laxeiro ás 21.00h e 23.00h en grupos de dez persoas.