Vincios Verde Cultural: Contacontos + Charla + Caspervek

Despois dos incendios forestais de 2017 a Comunidade de Montes de Vincios decidiu dar un xiro a súa xestión e crear o proxecto Vincios Verde. Nesta iniciativa englóbanse accións culturais, educativas, deportivas, turísticas, económicas e produtivas. Este sábado, 30 de xullo, arranca Vincios Verde Cultural; unha serie de actividades culturais que terán lugar os sábados na Casa Reitoral e que serán totalmente gratuítas.

O espectáculo musical ‘Unha árbore vén a vernos’ de Servando Barreiro inaugurará a segunda sesión do ciclo o sábado a partir das 17:15h. A continuación, arredor das 18:30h, charla medioambiental e para finalizar a xornada Caspervek musicalizará en directo o filme mudo ‘Robin Hood’ a partir das 21:00h.