REVISTA MAIO

Vigo acolle o concerto homenaxe a Big Star con membros de Wilco e R.E.M.

24out21:00Vigo acolle o concerto homenaxe a Big Star con membros de Wilco e R.E.M.CONCERTOS | -21:00(GMT+02:00) Mar de Vigo

Detalles do eventos

Para conmemorar esta ocasión, un grupo de músicos estelares, liderados polo único membro orixinal sobrevivente da banda, Jody Stephens, interpretarán o álbum ao completo, xunto con outras grandes cancións do rico legado da banda nunha xira bautizada como “An evening with BIG STAR’s Radio City (50th Anniversary) and more”.

Acompañando a Stephens estarán algúns dos maiores fans da banda, asociados desde hai tempo a proxectos relacionados con Big Star: Mike Mills (R.E.M.), Jon Auer (The Posies), Pat Sansone (Wilco) e Chris Stamey (The dB’s).

As entradas para o concerto de BIG STAR’s Radio City o vindeiro 24 de outubro no Auditorio Mar de Vigo estarán dispoñibles este venres 24 de maio a partir das 10.00 horas a través de www.teuticket.com.

Lanzado en 1974, “Radio City” é un clásico eterno, amado por fanáticos do rock alternativo e do pop por igual. Influenciado pola Invasión Británica pero singularmente orixinal, Big Star combinou riffs de guitarra, harmonías doces, pop vibrante e unha melancolía nostálxica para crear un son que estaba anos adiantado ao seu tempo. Xunto con “#1 Record” e “Third”, “Radio City” é considerado un piar fundamental do power pop, un xénero que, para ben ou para mal, non acadaría o seu verdadeiro auxe ata finais da década.

Big Star (formada polo vocalista / guitarrista / pianista Alex Chilton, o vocalista/guitarrista Chris Bell, o baixista Andy Hummel e o baterista Jody Stephens) comezou a tomar forma cando Chilton e Bell, aínda adolescentes, comezaron a escribir xuntos, inspirándose na colaboración compositiva de John Lennon e Paul McCartney. Despois do lanzamento de “#1 Record”, Bell deixou a banda, e Chilton, Stephens e Hummel continuaron como trío para crear “Radio City”. Coa colaboración do fundador e enxeñeiro de Ardent Records, John Fry, Chilton e Hummel gravaron as pistas de guitarra, baixo e teclados, complementando a batería explosiva e vigorosa de Stephens. A paixón vertida nestas interpretacións elevou a xa maxistral composición a un nivel superior. Cancións como “O My Soul”, “Way Out West” e “Daisy Glaze” destacaron, lideradas pola perfección pop de “September Gurls”, posiblemente o maior exemplo dunha canción co son e os ingredientes para converterse nun hit que, apesar de todo iso, nunca chegar a selo.

Máis

Hora

24 outubro, 2024 21:00(GMT+02:00)