O festival Vertixe recorda a Franz Kafka no centenario da súa morte

O vindeiro 6 de outubro ás 18h no Auditorio Martín Códax de Vigo comeza o festival de música experimental e de vangarda Vertixe 12. A súa 12 edición, cargada de estreas absolutas e nacionais, con obras maioritariamente recentes de creadores emerxentes e consagrado, facendo gala da súa vocación de plataforma impulsora de creación artística contemporánea.

O primeiro concerto será A Noite, unha homenaxe a Franz Kafka no centenario da súa morte. Unha proposta que entrelaza cinco paisaxes sonoras para cuarteto de percusión, electrónica e vídeo. Cinco estreas mundiais.

TIAGO MORAIS Para lá da sombra da noite (2024)
GABRIEL BOLAÑOS Cuarteto de bongós (2024)
WINGEL MENDOZA Abyss (2024)
JOAN GÓMEZ ALEMANY Para Vicente Gómez García, pictoescultura de son e luz (2024)
PABLO CHIN Vértice/Ápex/Vértigo (2024)