Trinity é un trío de improvisación formado por Luís Erades, saxo alto e barítono; Fernando Lamas (Xoel López, Amoeba Split, Akafree) batería, e Pablo Rega (Kozmic Muffin, Electra, F.I.L.Ou. Comando Radar) á guitarra.

A formación xorde dun encontro destes tres músicos afincados en diferentes cidades, Barcelona, Madrid e A Coruña respectivamente, que tivo lugar en Madrid en estudos Automatic onde gravaron o seu primeiro traballo “ BRUTE” .

Trinity practica unha improvisación enérxica con influencias do free jazz, o noise e ata o metal, explorando a sonoridade dos seus instrumentos ata as últimas consecuencias.