Trilitrate

Música e audiovisuais na Sala Kominsky da man de Trilitrate.

Trilitrate é un proxecto audiovisual que integra a diversidade sonora dun trío acústico unido á videocreación en tempo real dunha artista multimedia.

Fórmase en Vigo no ano 2012 pola violinista Elena Vázquez (Cuarteto Dumka, Suelen Estar Quartet, Peña), Marcos Padrón ao acordeón (Orquestra O.M.E.Ga, Cuarteto Caramuxo) e por Rubén Abad na guitarra e voz (Cró!, Es Un Árbol, Guerrera, Peña). No 2013 incorpórase a videoartista Laura Iturralde e realizan a gravación do seu primeiro disco: ‘Faláchesme na Man’.

Actualmente, e tralo ingreso de Montse Piñeiro (debuxante, escenógrafa, iluminadora e animadora de stop-motion, premio María Casares 2018 á mellor escenografía) como nova xeradora da arte visual, atópanse embarcados na presentación do seu terceiro disco: ‘Está de Grelo’.

Neste novo e apaixonante traballo mergúllanse en timbres tan afastados do mundo acústico como a electrónica ou o black metal, sen abandonar as súas ferramentas analóxicas. Visitan xeografías musicais distantes como a africana ou a otomá, e traspasan a experiencia barroca e impresionista ao século XXI, ousados e inquebrantables na procura de novas sonoridades, acadando fronteiras endexamais atravesadas neste paso de xigante da agrupación.

Venres 30 ás 21:00

Entradas á venda en www.entradium.com