O Cineclub Lumière reinicia a programación de Filmoteca cunha das pioneiras do cine, Lois Weber, e o seu filme The Blot, interpretada por Philip Hubbard, Claire Windsor e Louis Calhern.

Weber (1879-1939) é directora de filmes marcados ás veces por grandes e polémicos temas (do aborto á pena de morte ou o alcolismo), en The Blot, a estadounidense , trata con suma agudeza a cuestión da desigualdade económica –e o contraste entre coñecemento e cobiza pouco escrupulosa – na contorna contemporánea e, por tanto, capitalista. Aproximámonos ás vidas de dúas familias veciñas, unha cos escasos recursos dun profesor, a outra dun empresario zapateiro rico.

A sesión é ás 20:30h, no Auditorio Municipal do Concello, na praza do Rei. A cota da actividade, 2 euros.