'Tecer os referentes' de Elisa Terroba

Primeira exposición individual en Galicia de Elisa Terroba (Málaga, 1986). Unha mostra comisariada por Yaiza González e Pedro Gallego de Lerma.

Terroba ofrécenos unha proposta na que afonda no seu traballo de deconstrución do obxecto libro, mediante o tecido, a composición escultórica e a intervención, convidándonos a repensar o sentido do libro na actual cultura dixital. Ademais, a artista mostrará seis pezas realizadas a partir dos seis tomos da serie de catálogos titulada Laxeiro, debuxos inéditos , realizados expresamente para a exposición.

Por motivos da situación derivada da Covid19, non se realizará acto de inauguración, senón que recibirán ao público en grupos reducidos de catro persoas, desde as 18h ás 21h.