Teatro Gorrilla: Raquel Ferradás

Teatro Gorrilla impulsa o crecemento das artes escénicas en Vigo a través dun espazo profesional, acolledor, e ante todo, “de gorra”.

Este sábado 12 de marzo, estará na Casa de Arriba ás 13:30h, unha peza de danza da man da bailarina galega Raquel Ferradás.

Teatro Gorrilla é unha iniciativa que comeza no 2019 programando cada 15 días na Casa de Arriba como resposta á baixa visibilidade das artes escénicas e a escaseza de espazos para a sua práctica e desfrute na cidade de Vigo.
Apostan por crear espazos novos de intercambio de ideas e arte sen ter a preocupación por o que pode costar unha entrada a un espectáculo, por iso, a entrada é de libre pago voluntario inspirado no teatro de rúa onde se “pasa a gorra”.