As entradas para ver en concerto ao trío galego máis popular do momento saen á venda mañá xoves 21 e terán un prezo de 5€. A venda de entradas seguirá o procedemento habitual dos demais concertos de Castrelos. De maneira online estarán dispoñibles 4000 entradas, e 1000 de maneira presencial no despacho de billetes de Praza do Rei. Tanto en liña como presencial, haberá dúas quendas: ás 10:00 da mañá e ás 17:00 da tarde. En cada unha delas despacharase a metade dos billetes dispoñibles. Como sempre, as gradas de Castrelos son de acceso gratuíto.

Tanxugueiras é un trío de pandeireteiras galegas formado por Aida Tarrío e as irmás Olaia e Sabela Maneiro. O seu estilo caracterízase por xuntar instrumentos e ritmos propios do folclore tradicional galego con músicas contemporáneas como o pop, o world music, a elctrónica ou o trap. O pasado 26 de xaneiro acudiron ao festival de Benidorm con Terra, un alalá modernizado co que quedaron terceiras na carreira po representar a España no próximo Festival de Eurovisión. De conseguilo, Terra sería a primeira canción en galego en soar no emblemático concurso europeo.

Na actuación de Castrelos tamén estarán Laura Lamontagne & Picoamperio, que coa súa música propoñen unha mestura única de poesía, hip hop, cantigas de amigo, electrónica, spoken word e R&B. 

O calendario de concertos en Castrelos queda así:
10/07 Serrat
13/07 Sebastián Yatra
15/07 Coral Casablanca
29/07 Love of Lesbian
30/07 Tanxugueiras
04/08 Leiva
06/08 Sting
08/08 Lola Índigo
11/08 Hijos de la Ruina + Woyza
14/08 Hombres G
16/08 Raphael
17/08 Dani Martín