SUPERFUZZ

O power trio galego SUPERFUZZ presentaba en 2020 o seu primeiro longa duración. Este traballo de título homónimo, supuxo o seu debut discográfico con 11 pistas bañadas de melodías power pop executadas con esa actitude irresistible que tanto lles caracteriza, propia do máis auténtico ritual de exaltación do Rock and Roll, tal e como seguen demostrando nos seus directos. Rock cantado en castelán, influenciado por grupos británicos dos anos 60 (Beatles, Kinks, The Who…) aderezado cun son garagero máis actual con chiscadelas a Jet e White Stripes. Estes últimos meses a banda estivo traballando nas mesturas do que será o seu segundo disco de estudo e que se editará a finais de 2022.