Son da Industria

A asociación cultural As da Industria organizan novamente o festival Son da Industria, no Parque García Pícher. Este espazo é máis significativo que nunca, pois a veciñanza creou unha plataforma en contra do parque infantil que o Concello ten pensado construír no lugar, eliminando toda zona verde. Os veciños e veciñas defenden a importancia dun espazo verde, con céspede e árbores, nunha cidade cada vez máis cuberta de formigón.

Ademais de comida e bebida, o festival que dará comezo ás 21h aposta por un cartel feminino e galego na súa totalidade.

CATUXA SALOM

FILLAS DE CASSANDRA

HABELAS HAINAS

THE TETAS VAN

O evento é gratuíto, pero hai moitos xeitos de colaborar con esta asociación como mercando as camisolas e chapas de merchan, que fan posible que continuen a ofrecer actividades, en galego, feministas e diversas, e con consciencia respetuosa coa contorna.