'Síbaris' de Domingo Villar

O Auditorio Municipal acollerá ás 21.00 horas do sábado 8 de xuño a representación de “Síbaris”, a primeira obra teatral do desaparecido escritor Domingo Villar. Vigo, cidade natal do autor recoñecido co título de Vigués Distinguido, pecha a xira galega da compañía de teatro Condetrespés.

As entradas saen á venda o martes 21 de maio ás 9:00

Neste artigo de setembro de 2023, o actor Carlos Blanco lamentábase durante a presentación da obra de que o Concello de Vigo “non quixese apoiar este proxecto”.

Sinopse:

Vinte anos despois de que a publicación de Síbaris o convertese na estrela máis rutilante do firmamento literario, o escritor Víctor Morel non atravesa un bo momento: incapaz de escribir nada á altura das expectativas, leva demasiado tempo bloqueado e cunha situación económica cada día máis delicada.

Laura, a súa muller, anímao a aceptar unha invitación da Universidade da Sorbona, disposta, como tantas outras institucións, a pagar xenerosamente por unha lección maxistral do célebre autor, pero a primeira aparición pública de Víctor Morel en anos remata nun ataque de pánico e unha espantada antes de tempo.

A vida dos Morel semella afundir no desconsolo, cando Laura atopa unha saída.

Ficha artística e técnica:

Elenco: Carlos Blanco Vila, María Belén Martínez Constenla, Oswaldo Digón Alba, Pablo Novoa Cid. 
Dirección: Lois Blanco Araúxo.
Deseño de luz: Daniel Rodríguez Juncal.
Escenografía: Marta Villar Sanjurjo.
Música: Pablo Novoa Cid.

Duración: 95 minutos

Entradas