xullo, 2020

20xul(xul 20)18:0023ago(ago 23)14:00Setenta e cinco anos coa montañaARTE E MUSEOS | De balde(xullo 20) 18:00 - (agosto 23) 14:00 Casa Galega da Cultura

Máis

Detalles do eventos

Esta mostra pretende dar a coñecer algúns anacos da Historia do club Peña Trevinca dende a orixe mesma do xerme que o promoveu. Porque é precisamente ese xermolo o primeiro que cómpre destacar como inicio do montañismo na nosa terra. A creación deste club foi unha actuación promovida por persoas que, xa nos últimos intres da II República, frustrada en xullo de 1936, querían facer agromar o deporte ao aire libre como un medio de enriquecemento persoal, nun espazo de liberdade, onde homes e mulleres tiveran na Natureza un lugar de ocio, esparexemento e sociabilidade.

Non puido ser así e tiveron que agardar uns anos máis para facer realidade os seus soños, nunha situación adversa, chea de sombras e castrada nas liberdades. Porque coñecemos eses primeiros pasos e as persoas boas e xenerosas que os deron, queremos traer aquí, case un século despois, as pegadas que dende o comezo dos anos trinta se encamiñaban dende Vigo cara ao nacemento do montañismo asociativo en Galicia e que, nun encontro casual con outros pasos iniciados no Barco de Valdeorras, tiveron como resultado a fundación do Club Peña Trevinca Montañeiros de Galicia, que floreceu na primavera de 1944.

Nun percorrido circular por esta Casa Galega da Cultura, poderedes pasear cronoloxicamente polos altos e baixos que compoñen a esencia de 75 anos de existencia do club. Cumes e vales onde poder albiscar algunhas das ilusións e conquistas da asociación e dos seus socios que, neste longo camiño, portaron e seguen levando unha mochila na que a amizade e o compañeirismo segue a ocupar un espazo importante.

Hora

Xullo 20 (Luns) 18:00 - Agosto 23 (Domingo) 14:00

Localización

Casa Galega da Cultura

Casa Galega da Cultura 36202 Vigo Pontevedra

X