Samaín no Berbés – A Movida

outubro, 2018

31out17:00Samaín no BerbésFESTA TRADICIONAL | De balde17:00 Plaza do Berbés

Máis

Detalles do evento

A Asociación Veciñal e Cultural Casco Vello de Vigo leva xa máis de dez anos festexando o Samaín. Comezou sendo un acontecemento moi cativo e pasou a converterse nun dos referentes destas datas na cidade. O mércores 31 está preparada unha xornada chea de actividades para que grandes e pequenos o pasen de medo. A festa dará comezo ás 17.00 horas cun obradoiro de maquillaxe e calacús. Cada rapaz que participe será caracterizado coma un morto porque, ollo, no Samaín non se admite outra vestimenta nin disfrace, é a festa dos mortos e como tal debemos ir caracterizados. Ademais, a asociación porá a disposición dos cativos un total de 200 cabazas para que as baleiren e tallen, dándolles un aquel terrorífico. Ás 18.30 horas haberá unha sesión de contacontos no que non han faltar historias de terror. Tras a actuación dos grupos folclóricos infantís terá lugar un dos actos centrais da festa: o desfile da Santa Compaña. Os veciños do Casco Vello sairán en procesión desde a sede da Asociación ata a Praza da Constitución, á luz dos candeeiros representando algunha das lendas desta marcha de defuntos. Que non te colla no camiño porque, de facelo, pasarás a ser parte deles. Para rematar, O Berbés converterase nunha gran festa coa foliada de mortos na que participará un bo feixe de grupos.

E ollo, non teñades medo a chuvia porque en caso de inclemencias metereolóxicas disporán dunha carpa.

Podes consultar tódolos eventos de celebración do Samaín en Vigo neste enlace.

Hora

(Mércores) 17:00

Lugar

Plaza do Berbés

Avenida de Beiramar, 36202 Vigo, Pontevedra

X