Romaría de San Roque

A famosa Romaría de San Roque, a festa popular urbana máis importante de Vigo, celebrarase do 14 ao 17 de agosto. Na festa conviven bandas e charangas tradicionais con concertos de rock e outras músicas. Neste artigo falamos dos aires de renovación que leva experimentando a romaría nos últimos anos.

A histórica Festa de San Roque, a romaría urbana máis antiga de Galicia, comezará este mércores 14 de agosto, ás 20.30 horas, coa lectura do pregón a cargo do Colexio Hogar, institución educativa que acaba de cumprir 75 anos como unha referencia educativa en Vigo, fortemente ligada a este barrio tan emblemático da cidade olívica.

A tradicional romaría de San Roque, probablemente a festa documentada máis antiga de Vigo, que é unha cita ineludible no verán vigués e un patrimonio cultural da cidade, estenderase desde este mércores 14 de agosto ata o domingo, 18, con actuacións musicais e un mercadillo de artesanía, ademais de postos de gastronomía e as grandes citas relixiosas ao redor da capela do santo. Estamos ante a romaría urbana máis grande de Galicia. Nesta edición, ademais dos tradicionais postos de gastronomía, onde degustar as sardiñas ou o polbo á feira, haberá alternativas a través de ‘food trucks’ cunha variada oferta, postos de artesanía e atraccións que buscan que os nenos sentan os protagonistas durante estas xornadas festivas.

Programa: