Retratos en directo

Centro Comercial Travesía celebra o 8M con retratos en directo a mulleres e coa campaña online ‘Mujeres que inspiran‘.

O centro comercial súmase un ano máis á conmemoración do Día Internacional da Muller. Nesta ocasión, o mércores 8 de marzo, o recinto comercial contará cun ilustrador que realizará en directo e de maneira gratuíta, retratos a mulleres. Visibilizamos así a figura da muller nun contexto de igualdade a todos os niveis. Esta actividade está aberta tanto a clientas como a traballadoras dos distintos establecementos que operan no centro comercial. O ilustrador, terá habilitado un espazo na planta 1, en horario de 10:00 a 12:00 h e de 17:30 a 19:30h. As mulleres protagonistas poderán levar o seu retrato realizado a man.

Tamén teñen un e-book con material gráfico composto por decenas de frases icónicas pronunciadas por líderes femeninas en todos os ámbitos da sociedade, ao longo da historia e no presente. Todo isto é unha continuación da campaña “Mujeres que Inspiran” dispoñible na súa web e en redes sociais.

Mércores 8 de 10:00 a 12:00 h e de 17:30 a 19:30h no Centro Comercial Travesía de Vigo.