bannerRevistaOnline

novembro, 2020

20nov(nov 20)09:0008xan(xan 8)14:00'Redeiras' de Darío BassoARTE E MUSEOS | De balde(novembro 20) 09:00 - (xaneiro 8) 14:00 Sede da Deputación de Pontevedra

Detalles do eventos

Se a principios do século XX a viguesa rúa Eduardo Chao foi o escenario urbano onde as mulleres do mar estendían as redes para poder proceder ao seu remendo e a súa seca, desde hoxe a sede da Deputación, que ocupa o mesmo viario, toma o relevo para volver a dar todo o protagonismo ás redeiras galegas. Así debe entenderse a exposición de Darío Basso, na que se pode ver o percorrido pictórico que fixo o artista ata chegar a dar vida ao grande mural que viste a fachada da sede provincial.

Na exposición, Basso expón unha parte dos materiais que utilizou para pintar o mural, e dos bosquexos que foi creando ata chegar a súa obra final na parede exterior da sede viguesa, unha mostra que o propio artista definiu como “unha homenaxe ás mulleres do mar, para recordar o seu traballo silenciado e a relación desta cidade co mar”. Recordou o traballo de investigación antropolóxico que fixo sobre o oficio das redeiras, ”mulleres indispensables no sistema alimentario e económico pero invisibilizado”. O artista tamén relatou como “despois de tantos anos emigrado, para maior aprendizaxe da miña pintura, emocionábame cando saía a correr con cada esquina, con cada movemento da ría, con cada cor da cidade que me mirou crecer e á que volvía. Todo iso, dixo, quería devolver con este mural e esta exposición”

Na mostra, que poderase ver ata o 8 de xaneiro, figuran os bosquexos que Basso creou a partir da imaxe e plástica das redes da pesca, 27 acuarelas e un espectacular políptico “Patente”, con 15 fragmentos de teas que foron colocadas no exterior da sede, sobre o chan para protexelo da pintura durante a execución do mural. Amais, tamén se amosan os materiais que empregou para pintar, concretamente dous coxíns de sofás e unha manta que serviron para o arrastre da pintura sobre a fachada.

Horario

De luns a venres: 9:00 – 14:00

Máis

Hora

Novembro 20 (Venres) 09:00 - Xaneiro 8 (Venres) 14:00

Localización

Sede da Deputación de Pontevedra

Rúa Chao, 17, 36202 Vigo, Pontevedra

X