Exposición 'Proxecto incendios' de Miguel Mosquera

Os incendios que debastaron Galicia en outubro de 2017 son seguro unha imaxe vívida na memoria de todos nós. Miguel Mosquera quere facernos reflexionar sobre esta catástrofe e a relación do ser humano coa contorna a través dunha mostra na que combina poesía e artes visuais. A exposición foi inaugurada o 14 de abril e pode visitarse ata o 2 de xullo na terceira planta da Fundación Laxeiro.

Nesta exposición Mosquera materializa a mensaxe que quere transmitir aunando a obxectividade dos feitos, a implicación emocional e as artes plásticas. Mapas con sobreimpresións, telas decoradas, poemas e diferentes obxectos que recordan os feitos acontecidos enchen a sala. Todo para facernos reflexionar respecto á nosa relación co entorno natural, xa que gran parte destes incendios foron intencionados, e sobre a relación co propio territorio como país. Unha chamada de atención cara a nosa forma de construírnos como pobo a partir dun evidente desapego co territorio, utilizando a arte como unha ferramenta política.

Se queres saber máis sobre a exposición consulta o artigo completo aquí.

HORARIO

Luns -18:00 h – 21:00 h

Martes -18:00 h – 21:00 h

Mércores -18:00 h – 21:00 h

Xoves -18:00 h – 21:00 h

Venres -18:00 h – 21:00 h

Sábado – 12:00 h – 14:00 h / 18:00 h – 21:00 h

Domingo – 12:00 h – 14:00 h