Proxección + coloquio Orisel Gaspar

Presenza latinoamericana na cooperativa A Morada, de Vigo, que proxectará o mércores 28 de xuño a película cubana Siete días siete noches coa presenza de Orisel Gaspar, unha das grandes actrices da escena cubana, protagonista do filme e afincada en Vigo desde 2004.

Ao final da proxección haberá coloquio para coñecer detalles do proceso no que as persoas asistentes poderán ter unha conversación próxima coa artista e intercambiar impresións. A cooperativa A Morada, ofrece con esta sesión de cinema unha nova oportunidade de gozar do emblemático filme e o privilexio de ter un encontro con esta figura do panorama cultural da illa caribeña que é Orisel Gaspar, artista multidisciplinar de longa traxectoria que ha incursionado no teatro, a televisión, a poesía e a canción, o performance, a dirección de casting, é realizadora, docente de Interpretación e actualmente de Oratoria na escola de deseño Aula D de Vigo, quen ademais exerceu como promotora e creadora de proxectos culturais como Teatro Vivo de Cuba, Boberías, Apertas, Nós, el contenedor, entre outros.

O conversatorio estará acompañado pola especialista en xénero Priscila Retamozo, nacida en Buenos Aires, e afincada en Vigo desde 2003, formadora, autora xunto a Chis Oliveira dos libros Comando igualdade e A revolución feminista nas aulas, presentadora e directora de contidos de Histerikas Historikas.

Sete días sete noites, é un singular fresco barroco, unha película rodada en Cuba en 2001, cámara en man, polo seu director e guionista Joel Cano. Unha historia de ficción que se penetra no deambular de tres mulleres de diferentes procedencias que ven as súas vidas complicarse ao mesmo tempo.