A Orquestra Vigo 430 presenta a ‘Tempada 2022’, consiste nun ciclo de concertos para o período xaneiro a maio de 2022, composto por cinco programas que se caracterizan pola súa gran variedade, e que serán interpretados, como vén sendo habitual habitual, polas formacións de música de cámara, sinfónica e barroca.

O vindeiro sábado 26 de marzo ás 20:00h, teremos a ocasión de escoitar outra obra de Brahms, neste caso para corda, como é o Sexteto No2 op.36. Neste concerto, o Ensemble Vigo 430 contará coa colaboración da violinista María Florea – unha habitual xa nas programacións da formación viguesa- e tamén coa violista exipcia Sindy Mohamed, artista residente este ano da Orquestra Vigo 430.