bannerViveNigran

15xuñ19:30Presentación 'Son da cidade'ACTIVIDADES PARA O COCO | De balde19:30 Espazo Lector Nobel O Calvario

Presentación 'Son da cidade'

O mércores 15 de xuño, celebrarase, ás 19:30 h, na libraría Nobel do Calvario, en Vigo, a presentación de “Son da cidade”, de Pablo Vázquez e Denis Carballás.

SINOPSE

A QUE SOA VIGO?

Son da Cidade é o libro sobre a música local viguesa do século XXI.

Que se está a cociñar nos estudios e salas de concertos da cidade olívica? Do rock ao trap, pasando polo folk, reggae e iazz, nas súas páxinas altérnense textos, debuxos e material gráfico sobre case cincuenta artistas locais que representan a súa ampla e variada escena musical.

De sempre, Vigo gozou dunha importante tradición musical. Mesmo antes da Movida dos oitenta, a urbe galega non deixou de acoller o talentosos artesáns do son. Malia que a súa sona mediática sexa menor, na actualidade conta cun potente e diverso abano creativo, con artistas de referencia nos seus respectivos estilos.

Dunha maneira visualmente atractiva, amena e accesible a todo tipo de públicos, este ensaio ilustrado pioneiro pretende divulgar o panorama actual e descubrir a que soa Vigo.

Denis Carballás e Pablo Vázquez, ambos os dous vigueses de 1995, colaboran xuntos desde que se coñeceron mentres estudaban Comunicación Audiovisual en Pontevedra. Culminaron a carreira co seu documental Cuna de músicos, que recibiu críticas moi positivas no eido musical local e foi seleccionado na 32ª edición do Festival Cineuropa, en Santiago de Compostela. O filme fai un percorrido polas últimas catro décadas da música viguesa a través de dezasete entrevistas e abundante material de arquivo. A maiores, filmaron xuntos varios videoclips e concertos de artistas vigueses.

Máis

Hora

(Mércores) 19:30

Localización

Espazo Lector Nobel O Calvario

Rúa de Urzaiz, 171, Bajo, 36205 Vigo, Pontevedra

X