O Merdeiro, a figura tradicional do Entroido vigués, xa ten libro

Nesta obra a Asociación Etnográfica A Merdeira recolle os froitos de varios anos de investigación e traballo. Analizan a orixe do Entroido e comentan como era este na cidade de Vigo, cando o Merdeiro andaba polas súas rúas. Ó mesmo tempo reflexionan en como esa figura foi evolucionando até o momento da súa desapareción. Rematan o estudo  informando como o Merdeiro se recuperou grazas ó esforzo do tecido asociativo da cidade.

A presentación terá lugar o vindeiro venres día 19 de xaneiro nas instalacións do Camões Centro Cultural Portugués sitio na Praza de Almeida. 

Ás 19.30 contarán coa actuación da Banda de Gaitas do Casco Vello para posteriormente comezar ás 20.00 co coloquio moderado polas propias autoras do libro: Adriana Del Río Miranda e Hadrián Román Carreiro,  historiadora do arte e historiador respectivamente.