Presentación do libro-disco SON ANIMAL

O músico Paco Nogueiras recolle a banda sonora do noso medio rural no seu novo libro-disco, «Son animal», ilustrado por Marc Taeger e publicado por KALANDRAKA. Ambos os autores participarán nun concerto de presentación este venres, 12 de abril, a partir das 18:30 horas na libraría LIBROS PARA SOÑAR (Triunfo, 1) de Vigo. Tras «Brinca vai!», «Radio bulebule» e «Extra!», as doce cancións deste cuarto traballo musical teñen como protagonistas a animais domésticos como o can, o gato, a vaca, a galiña, o porco, o burro… e outros silvestres como a ra ou o grilo.