Pilar Alonso: 'Desatada'

O xoves 5 de maio ás 19:30h, CUBO inaugura o novo proxecto da artista plástica Pilar Alonso ‘Desatada‘. A artista plástica empapelará as paredes cos seus últimos traballos. As paredes estarán inundadas de cor e formas, onde o espectador poderá sumerxirse e recorrer coa mirada toda a exposición descubrindo as partes do xogo.

Fusionando o continente e o contido, Pilar Alonso é unha artista que se encontra cómoda en multitude de formatos, desde a pintura pasando polo mural e as instalacións. O seu traballo básase nun potente imaxinario que nace da súa propia autobiografía.

Exposición: Do 5 ao 27 de maio

Horario: luns a venres de 18 a 20h