Volve a Vigo un dos seus clásicos do Nadal, a Papanoelada Moteira, que reúne cada ano a miles de persoas.

Os moteiros, como é habitual, están citados a partir das 14.00 h no barrio de Navia para iniciar o percorrido ás 16.00 h. Percorrerán toda a cidade con parada na rúa Venezuela entre ás 17.00 e ás 17.15 horas e desde aí iniciarán o camiño de regreso a Navia.

A Papanoelada Moteira recupera o Bus Turístico e o clásico Cometa para que os nenos acompañen ás motos.

Os requisitos para participar son traer máscara, caramelos, disfrace e moitas ganas de pasalo ben. Non é necesaria inscrición para a carreira, pero si para o Bus Turístico.

Sábado 18 ás 16:00