Orquestra Vigo 430 + Conrado Moya + Beatriz Riobó + Isabel Rubio

A Orquestra Vigo 430 presenta o seu terceiro concerto da tempada 2023/24 «Orixes», patrocinada polo Concello de Vigo, no que a súa programación dará o salto das pequenas agrupacións de música de cámara que protagonizaron os dous primeiros concertos ao gran repertorio sinfónico. Un programa que presenta múltiples puntos de interese, como o brillante «Concerto heróico» do Mestre Rodrigo que, composto orixinalmente para piano solista, poderemos escoitar nesta ocasión na versión para marimba realizada polo sempre espectacular Conrado Moya, quen xa ofreceu un antolóxico concerto con este instrumento hai un par de tempadas xunto co Ensemble Vigo 430.

Tamén con solista, neste caso a soprano viguesa Beatriz Riobó, interpretarase a persoal versión do compositor -tamén vigués- Juan Durán, dun dos máis importantes acenos de identidade da música galega que nos chegou ao longo dos séculos, as cantigas de Martín Códax.

O concerto pecharase con outra famosa composición, coa que o compositor checo Antonin Dvorák brindounos unha das coleccións de melodías máis indelebles da historia da música, como é a súa novena sinfonía, alcumada «do novo mundo».

Isabel Rubio, directora asociada da OV430, será a encargada de levar a batuta neste programa. Unha directora cunha carreira claramente ascendente e que está a ser cada vez máis solicitada polas principais orquestras do país.

Entradas