A  Orquestra Vigo 430 presenta este venres o seu primeiro programa do ciclo ‘Tempada 2022′. Será no Auditorio Martin Códax do Conservatorio Superior de Música de Vigo, a partir das 20:30 horas. O mesmo, comezará cun prato forte, coa visita da violinista holandesa Rosanne Philippens, quen deixou un indeleble recordo no último concerto da orquestra previo á pandemia, en febreiro de 2020. 

O concerto conta con entrada gratuíta, aínda que, para xestionar o aforo, se se desexa acudir é necesario reservar as localidades no correo electrónico reservas@vigo430.com