Orquestra Barroca Vigo 430 na Colexiata

A  OV430 despedirá este venres a Tempada 2022. Presentará o seu Programa V nun concerto realmente especial que por fin pode recuperar despois de varios aprazamentos debido á situación sanitaria. Poderá gozarse este venres nun enclave realmente especial, a Concatedral Basílica de Santa María de Vigo, popularmente coñecida como A Colexiata; será a partir das 20 horas.

Nel, a Orquestra Barroca Vigo 430 contará coa soada frautista holandesa Lucie  Horsch e coa violinista francesa Sophie de Bardonnèche como directora-concertino.

As entradas serán gratuítas, aínda que é preciso reservalas enviando un correo electrónico á seguinte dirección: reservas@vigo430.com