OBRADOIROS INFANTÍS DE VERÁN: Personaxes anónimos e retratos colectivos.

Durante este mes de xullo, o MARCO ofrece un programa especial de obradoiros de verán dirixidos a público infantil de entre 6 e 12 anos. A proposta está deseñada tendo moi en conta as normas e medidas sanitarias de seguridade e protección post Covid-19. As actividades, que terán lugar ao aire libre (praza peonil posterior) complétanse con percorridos específicos por espazos interiores e polas exposicións de Manuel Colmeiro e Yolanda Herranz.

Todos os martes, mércores, xoves e venres de 12.00 a 14.00.

Para participantes de 6 a 12 anos.

Inscricións: Tel. 986 113900 ext. 100 / email recepcion.marco@gmail.com / ou persoalmente en taquilla MARCO

Sesión 11 (Venres 24): Relatos cruzados.

Sesión 12 (martes 28): Fractais. A incrible xeometría da natureza.

Sesión 13 (mércores 29): Paisaxe continua sobre pedras.

 Sesión 14 (xoves 30): Personaxes anónimos e retratos colectivos.

Construímos figuras humanas e animais a partir de simples arames; fíos metálicos que suxiren formas e movementos, aos que imos engadindo pasta de modelar e plastilina. O resultado serán pequenas figuras con distintas actitudes e movementos, algunhas flexibles e outras estáticas, que iremos colocando sobre unha maqueta a escala, ensaiando distintas poses e movementos conxelados, a modo de ‘Mannequin Challenge’.

Sesión 15 (venres 31): O meu diario