Obradoiro: este nadal regáloche unha historia

Durante as vacacións de Nadal, a Biblioteca Xosé Neira Vilas organiza un obradoiro interxeracional de narración oral, reciclaxe e imaxinación, no que avós e netos poden gozar dun tempo de lecer xuntos. Contando historias e traballando para crear un agasallo de Nadal único e diferente a partir de obxectos en desuso.

Esta actividade quere por en valor a importancia do consumo responsable dun xeito ameno e divertido, espertando conciencias e sensibilidades, e reflexionando sobre todo o que pode ofrecer aínda un obxecto “vello” se o pensamos dunha maneira creativa.

Idade: público infantil a partir de 5 anos e adultos maiores de 65

Mércores 28 ás 10:30

Entrada de balde, previa inscrición na biblioteca, por correo electrónico a bpneiravilas@vigo.org ou a través do teléfono 986 267 759.