Obradoiro de coroas florais

Neste divertido taller, baseado na experimentación directa cos materiais e a manipulación de elementos naturais, os nenos e nenas personalizarán as súas propias coroas de flores da man de Alejandra Tome @dispersaideas.

Unha proposta para impulsar o contacto dos máis pequenos co medio natural, xa que isto fomenta o bo desenvolvemento físico, intelectual, emocional e relacional.

E é que os nenos hoxe en día reciben moita información sobre medio ambiente e ecoloxía, pero este coñecemento provén só de libros ou computadores, e non de achegarse á súa contorna e de descubrir por si mesmos a natureza.