O museo Marco acolle o novo espectáculo de Rompente

Rompente (Avendaño, Reixa e Romón) volve cun novo espectáculo: Algo que levar á boca.

40 anos despois e cunha proposta interdisciplinar, os tres activistas de cultura galega presentan o seu novo espectáculo Algo que levar á boca. Accións escénicas que constrúen unha polifonía de voces na máis pura esencia do histórico e vanguardista rompente. Máis dunha hora de intensa poesía, videocreación e música.

O espectáculo inclúe a meirande parte dos textos do seu último libro, Que hostia din os rumorosos? (Editorial Elvira, 2021). Trátase dun volume de poesía ilustrado por Menchu Lamas e Antón Patiño, con poemas inéditos.

Entrada libre ata completar aforo