Amaral

25set22:00AmaralCONCERTOS | De balde22:00(GMT+02:00) Praia de Samil

Detalles do eventos

LINK Á RESERVA DE ENTRADAS: https://samil.woutick.es/

Estaba previsto que Amaral actuase na nosa cidade o 12 de agosto con motivo da semana grande das festas de Vigo, o escenario aínda estaba por decidir, pero Abel Caballero anunciaba que o concerto da banda de Zaragoza pospoñíase ata o 25 de setembro por mor da situación sanitaria.

Finalmente o evento celebrarase na explanada dos aparcamentos de Samil, máis preto das pistas polideportivas e o aforo será de 2.300 persoas divididas en tres grupos burbulla, un de 1.000 persoas e dous de 650. Os asistentes terán que estar sentados e o recinto estará acotado e pechado con pantallas opacas para evitar aglomeracións no exterior. As entradas son gratuítas e poden conseguirse a través da web do concello a partir de mañá martes 21, cada persoa poderá reservar dúas entradas que serán nominativas.

O reparto das entradas comeza mañá martes 21 de forma escalonada e poderá accederse á plataforma para conseguir os billetes a través da web do concello. A partir das 10 da mañá estarán dispoñibles 500 entradas do primeiro grupo burbulla, as 500 restantes poderán conseguirse a partir das 18.00 horas. O alcalde ademais ‘aconsella’ o uso da PassVigo para reservar e 50 destas entradas estarán reservadas para persoas con discapacidade.

O mércores 23 ás 10.00 da mañá estarán dispoñibles as 650 entradas do segundo grupo burbulla e ese mesmo día a partir das 18.00 horas estarán dispoñibles as 650 do terceiro grupo burbulla. Vitrasa habilitará lanzadeiras ao final do concerto para o regreso ata o centro da cidade.

Amaral chega a Vigo coa súa xira Salto al Color, coa que xa estivo na nosa cidade o ano pasado no Mar de Vigo, concerto para o que se esgotaron as entradas en tempo récord. Os asistentes ao concerto poderán escoitar grandes éxitos da banda zaragozana como ‘Son mis amigos’ o ‘Te necesito’.

Máis

Hora

(Sábado) 22:00(GMT+02:00)