Observación de Perseidas

O parque ambiental VigoNature completa este verán a oferta didáctica e divulgativa cun programa de actividades relacionadas coa astronomía e coa observación do ceo durante a noite. Durante os meses de xuño, xullo e agosto desenvolveranse 15 xornadas das iniciativas “Astronomía en VigoNature. Noites astronómicas”, “Observación das perseidas”, e distintas ofertas para coñecer mellor o sistema solar e a lúa.

As prazas están limitadas a 50 persoas. As persoas interesadas en participar poden realizar a reserva a través do despacho de billetes de VigoNature, ou chamando ao teléfono 986 26 77 83. O pago de 6,00 € tamén pode facerse de xeito presencial ou mediante trasferencia bancaria, enviando o xustificante a taquilla.vigozoo@vigo.org