bannerGaliciaIlusiona
bannerLatitudes

30ago20:00No verán un conto: SAABOR!PEQUERRECHOS | De balde20:00 Mercado de Teis

No verán un conto: SAABOR!

Nova programación de actividades para este novo “No verán… un conto” que en diferentes espazos do concello achega actividades para pasar un anaco de lecer gozando en familia.

Contadas, teatro de rúa, concertos, danzas, xincanas, obradoiros, xogos populares, regueifas… para compartir, participar, gozar… e garantirlle novas primaveras á lingua galega.

Tamén haberá actividade en lingua de signos.

MARTES 30 AGOSTO – SAAABOR! – CULTURACTIVA PRODUCIÓNS

Actividade: teatro de rúa sobre alimentación saudable

Saaabor! é un espectáculo cómico que mestura música, maxia, humor, ritmo e participación do público, co mundo da gastronomía de fondo. Os nosos protagonistas convértense en dous recoñecidos chefs que nos ofrecen pratos para todos os gustos: desde a comida máis práctica e sinxela ata a máis elaborada, sen esquecer o viño e a sobremesa, elaborando un saboroso menú para toda a familia. Félix Rodríguez é un actor e músico cunha ampla traxectoria escénica en compañías como Odaiko, Píscore e Trío Refugallo, que nesta ocasión se complementa perfectamente con Fran Rei, cómico que ten participado en máis de 20 montaxes con compañías como Os Sete Magníficos máis Un, Pallasos en Rebeldía ou Acontrabutaca. Xuntos crearon este espectáculo, unha receita chea de sabor que fará as delicias dos padais máis esixentes.

En Teis (fronte ao mercado/praza de abastos)

Máis

Hora

(Martes) 20:00

Localización

Mercado de Teis

Mercado, 36207 Vigo, Pontevedra

X