Mutacións

Segunda edición de MUTACIÓNS, unha iniciativa de MUTA, a Fundación Carlos Casares e a actriz Mariana Carballal que busca explorar e transformar a literatura galega a través das artes vivas. Mutacións é un espazo de encontro onde as palabras cobran vida a través da música, a interpretación e outras formas artísticas, creando unha experiencia inmersiva e única que conecta tradición e modernidade.

Esta nova edición terá lugar o xoves 21 de novembro ás 20:00 h no Espazo MUTA, situado na Rúa Joaquín Loriga 9, Vigo.

Nesta ocasión, os textos de Carlos Casares serán interpretados pola alumna da ESAD Sophia Fernández Róndalo e pola actriz Mariana Carballal, ofrecendo unha visión única e profunda das palabras do autor.

A música será o complemento perfecto desta experiencia. Contaremos co dúo Abril, formado por Claudia Abril (voz e percusións) e Marina Carpente (violín e voz), que integran un proxecto onde melodías tradicionais galegas e ibéricas son adaptadas a sonoridades actuais cunha frescura e personalidade únicas. Abril é unha proposta de folk contemporáneo que pon en valor a música tradicional a través de instrumentos como a pandeireta, o pandeiro e o violín folk, creando un repertorio coidadosamente deseñado que harmoniza tradición e modernidade. Un verdadeiro microcosmos folclórico onde as identidades converxen e crean comunidade.

Ademais, Bea Míguez e Franc Górriz engadirán unha nota especial co seu espectáculo de jazz e percusión, deseñado especificamente para esta edición de Mutacións. Bea, con traxectoria como actriz en “Máscara Producións” e recoñecida voz do Vatapá-Quinteto, e Franc, percusionista con ampla carreira en grupos como Coetus ou a Big Band de Badalona, xuntarán os seus talentos para crear unha experiencia sonora única.

Para completar a noite, os asistentes poderán gozar de viños da adega Alvaredos-Hobbs da Ribeira Sacra e petiscos, nun ambiente que convida á conversa e á conexión.

Prezo da entrada: 15 € / persoa
Para reservar entradas, podedes escribirnos a: muta@muta.gal