MUSEO MARCO: Hachè Costa presenta "La Mano"

Foto: Santiago Pérez Trujillo

O compositor Hachè Costa presenta este sábado 17 de xullo no MARCO de Vigo unha nova creación titulada “La Mano”. A obra, unha ópera contemporánea, darase a coñecer na cidade de Vigo no seu formato discográfico, con agasallo do CD físico a todos os asistentes. Antes, o venres 16 de xullo, o acto terá lugar en Lugo, no auditorio de Casa do Saber de man da USC.

A presentación, de acceso gratuíto, terá lugar no salón de actos do MARCO – Museo de Arte Contemporánea de Vigo, en compañía do propio compositor e do crítico especializado Paco Yáñez.

Hachè Costa, que colaborou en numerosos proxectos audiovisuais como autor de música orixinal, produción ou deseño de son —e entre cuxos títulos se atopan as orquestracións de películas como “Campeones” ou “Camino” de Javier Fesser, así como colaboracións con xornalistas e escritores como Manuel Rivas, Fran Alonso, Xoán Abeleira ou Fernando Olmeda en espectáculos propios— desenvolve agora unha obra “escrita como unha resposta á miña propia crise persoal” e que supón “un reflexo do que un día foi a miña propia escisión interna”.

Trátase así dunha obra cuxo texto foi tamén escrito polo compositor en base á súa propia experiencia, abordando temas como a culpabilidade, a ansiedade ou a fractura psicolóxica que sofren as persoas que foron vítimas de contornas desestructurados e abusos sexuais. Unha única actriz, a galega Emi Caínzos, dá voz a máis de 40 personaxes diferentes na representación dunha mente escindida en numerosas identidades independentes e contraditorias entre si.

Escrita en consonancia cos tempos actuais, nos que “os problemas psicolóxicos están a acentuarse por efecto do illamento”, Costa insiste en que “a fractura psicolóxica prodúcese porque xa estaba latente, a pesar de que o momento actual haxa colaborado para que se acentúe: o verdadeiro problema é pospoñer a solución ás nosas voces internas disonantes”, o feito de “non solucionar os nosos conflitos persoais antes de que sexa demasiado tarde”.

O proxecto “A Man” foi producido contando coas Axudas á creación contemporánea do Concello de Madrid, e grazas tamén á colaboración desinteresada de importantes casas internacionais do ámbito da música como KRK- Gibson Spain, Initial Audio Berlin ou IK Multimedia.

O proxecto “La mano” foi producido contando coas Axudas á creación contemporánea do Concello de Madrid, e grazas tamén á colaboración desinteresada de importantes casas internacionais do ámbito da música como KRK- Gibson Spain, Initial Audio Berlin ou IK Multimedia.

Para a reserva de entradas contactar con: la.mano.reservas@gmail.com