Este mércores 7 de setembro, saen á venda 2.000 novas entradas para ver a Muse no estadio de Balaídos este mesmo xoves. Inicialmente sairon á venda 15.000 entradas que se agotaron en pouco tempo, tras estudar a forma de ampliar o aforo, a Xunta vén de anunciar que o estadio municipal poderá acoller dous milleiros máis de persoas. As entradas sairán á venda ás 10 da mañá a través de Ticketmaster e Livenation e terán o mesmo prezo que a vez anterior: 65€ + gastos de xestión.

Os británicos non estarán sós. Abrirá a velada ás 19:45 a banda local The Killer Barbies, iconos do punk rock noventeiro vigués. Unha hora despois chegará o trío londinense de electrónica Years&Years. Sobre as 22:15 subirán ao escenario situado no fondo actualmente en obras (antiga grada de Marcador) Muse, a banda de rock británica formada en 1994, en Devon. Desde a súa formación, os seus integrantes son: Matt Bellamy (voz, guitarra, teclados) Christopher Wolstenholme (baixo, coros) e Dominic Howard (batería). A día de hoxe teñen oito álbumes publicados e son autores de temas moi coñecidos como Starlight, Hysteira ou Madness.

O último concerto que albergou este recinto deportivo foi o de Alejandro Sanz en 2001, hai 21 anos. Antes, por aí pasaron artistas da talla de Madonna, Rolling Stones ou Dire Straits. Neste artigo repasamos todos os concertos que acolleu o estadio municipal.