Motívate pola infancia

O venres 18 de novembro terá lugar no Teatro Salesianos a Gala Solidaria de Aldeas Infantiles Galicia. O evento será presentado por Adolfo Maguna (Popín) e amenizado pola escola de danza Miriam Pino. 

Os mellores expertxs falarannos sobre aspectos da nosa vida tan interesantes como a motivación, a saúde, a alimentación e a actitude, desde unha perspectiva moi positiva que revolucionará os teus pensamentos e farache afrontar con éxito as novas oportunidades. Eles son: Leandro Fernández, Silvia Méndez Alonso, Joaquín Dosil, Belén Varela e David García Oterino.

Os beneficios recadados irán destinados á rehabilitación da zona infantil de xogos do parque da Aldea de Redondela, onde viven actualmente 60 nenos que non poden estar coas súas familias biolóxicas, e poder poñer incluso columpios adaptados a nenas e nenos con necesidades especiais. Coa túa doazón estarás a axudar a que poidan crecer xogando.